ជំនួបសហគ្រិនហ្វ្រង់កូហ្វូន (REF)

ទន្ទឹមនឹងកិច្ចប្រជុំកំពូលហ្វ្រង់កូហ្វូនី លើកទី២០ សភាពាណិជ្ជកម្មកម្ពុជា ដែលដឹកនាំដោយ អ្នកឧកញ៉ា គិត ម៉េង និងជាសមាជិកនៃសម្ព័ន្ធនិយោជកនិយាយភាសាបារាំង (APF) នឹងធ្វើជាម្ចាស់ផ្ទះរៀបចំ ជំនួបសហគ្រិនហ្វ្រង់កូហ្វូន (REF) លើកទី៦ នៅរាជធានីភ្នំពេញ ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៦។

ជំនួបដ៏មានសារៈសំខាន់នេះ នឹងប្រព្រឹត្តិទៅនៅកណ្តាលតំបន់សេដ្ឋកិច្ចដ៏ស្វាហាប់បំផុតមួយរបស់ពិភពលោក ក្នុងគោលបំណងពង្រឹងទំនាក់ទំនងសេដ្ឋកិច្ច ជំរុញការវិនិយោគ និងពង្រីកកិច្ចសហប្រតិបត្តិការពាណិជ្ជកម្ម រវាងសហគមន៍ធុរកិច្ចនៃបណ្តាប្រទេសនិយាយភាសាបារាំង និងបណ្តាប្រទេសសមាជិកអាស៊ាន។